ರೈಲ್ವೆ ಸುಧಾರಣೆ ವಿಷಯದಲ್ಲಿ ಸರ್ಕಾರದ ಮೇಲೆ ಭರವಸೆ ಉಕ್ಕಿಸುವಂತಿದೆ ಈ ವೇಗದ ರೈಲು ಗತಿಮಾನ್ ಎಕ್ಸ್ ಪ್ರೆಸ್! ಬೇಕಿದ್ರೆ ಈ ಫೋಟೊಗಳನ್ನು ನೋಡಿ…

ಡಿಜಿಟಲ್ ಕನ್ನಡ ಟೀಮ್

ಭಾರತದ ದೊಡ್ಡ ಸಂಪರ್ಕ ಸೇತುವೆಯಾಗಿರೋ ರೈಲ್ವೆ, ಈಗ ತನ್ನ ವೇಗ ಹೆಚ್ಚಿಸಿಕೊಳ್ಳುವತ್ತ ಹೆಜ್ಜೆ ಇಟ್ಟಿದೆ. ಮಂಗಳವಾರ ಭಾರತದಲ್ಲೇ ಅತಿ ವೇಗದ ರೈಲು ಎಂದು ಖ್ಯಾತಿ ಪಡೆದಿರುವ ಗತಿಮಾನ್ ಎಕ್ಸ್ ಪ್ರೆಸ್ ರೈಲು ಸಂಚಾರಕ್ಕೆ ನವದೆಹಲಿಯಲ್ಲಿ ಚಾಲನೆ ಸಿಕ್ಕಿದೆ.

ಈ ಗತಿಮಾನ್ ಎಕ್ಸ್ ಪ್ರೆಸ್ ರೈಲು ಪ್ರತಿ ಗಂಟೆಗೆ 160 ಕಿ.ಮೀ. ವೇಗದಲ್ಲಿ ಚಲಿಸಲಿದ್ದು, ಭಾರತೀಯ ರೈಲ್ವೆ ಇತಿಹಾಸದಲ್ಲಿ ಹೊಸ ಅಧ್ಯಾಯವನ್ನೇ ಬರೆದಿದೆ. ದೆಹಲಿಯ ಹಜ್ರತ್ ನಿಜಾಮುದ್ದೀನ್ ರೈಲ್ವೇ ನಿಲ್ದಾಣದಿಂದ ಆಗ್ರಾ ಕಂಟೋನ್ಮೆಂಟ್ ರೈಲು ನಿಲ್ದಾಣದವರೆಗೂ ಈ ಗತಿಮಾನ್ ಸಂಚರಿಸಲಿದೆ. ಈ ಪ್ರಯಾಣದ ದೂರ ಸುಮಾರು 188 ಕಿ.ಮೀ ನಷ್ಟಿದೆ. ಶುಕ್ರವಾರ ಹೊರತುಪಡಿಸಿದಂತೆ ವಾರದ ಆರು ದಿನಗಳ ಕಾಲ ಈ ರೈಲು ಸಂಚರಿಸಲಿದೆ. ಈ ರೈಲಿನಲ್ಲಿ ಏಕಮುಖಿ ಹವಾನಿಯಂತ್ರಿತ ಸೀಟ್ ಗೆ ₹750 ಹಾಗೂ ಎಕ್ಸಿಕ್ಯುಟಿವ್ ಸೀಟ್ ಗೆ ₹1500 ಪ್ರಯಾಣ ದರ ನಿಗದಿ ಮಾಡಲಾಗಿದೆ.

ಈ ರೈಲಿನ ಕುರಿತ ಕೆಲ ಪ್ರಮುಖ ಅಂಶಗಳು ಹೀಗಿವೆ.

– 160 ಕಿ.ಮೀ ವೆಗದಲ್ಲಿ ಓಡುವ ಈ ರೈಲು ಭಾರತದ ವೇಗದ ರೈಲು.

– ಶತಾಬ್ದಿಯಲ್ಲಿ ದೆಹಲಿಯಿಂದ ಆಗ್ರಾಗೆ ಸಾಗಲು 2 ತಾಸು ಬೇಕು. ಈ ಗತಿಮಾನ್ 1.45 ಗಂಟೆಯಲ್ಲಿ ತಲುಪುತ್ತದೆ.

– 12 ಅತ್ಯಾಧುನಿಕ ತಂತ್ರಜ್ಞಾನದ ಬೋಗಿಗಳು.

– ಸ್ವಯಂ ಬೆಂಕಿ ಎಚ್ಚರಿಕೆ ಗಂಟೆ, ತುರ್ತು ನಿರ್ಗಮನ ಬಾಗಿಲು, ಪ್ರಯಾಣಿಗರ ಮಾರ್ಗದರ್ಶನ ವ್ಯವಸ್ಥೆ.

– ಪ್ರತಿ ಬೋಗಿಗೆ ₹2.5 ಕೋಟಿ ವೆಚ್ಚ.

– ಪ್ರತಿ ಸೀಟಿನ ಹಿಂದೆ 8 ಇಂಚಿನ ಎಲ್ ಸಿಡಿ ಟಿವಿ. ಇದರಲ್ಲಿ ಸಿನಿಮಾ ಪ್ರದರ್ಶನ.

– ಸ್ಯಾಟಲೈಟ್ ಮೂಲಕ ಈ ಟಿವಿಗಳಲ್ಲಿ ಮನರಂಜನಾ ಕಾರ್ಯಕ್ರಮ ಪ್ರಸಾರ.

– ಈ ರೈಲಿಗೆ 5,400 ಕುದುರೆ ಬಲ. ಅಂದರೆ, 5400 ಕುದುರೆಗಳು ಈ ರೈಲನ್ನು ಎಳೆದಷ್ಟು ವೇಗದಲ್ಲಿ ಸಾಗುತ್ತದೆ.

ಈ ಎಲ್ಲಾ ವಿಶೇಷತೆ ಇರೋ ಗತಿಮಾನ್ ಎಕ್ಸ್ ಪ್ರೆಸ್ ಯಾವ ರೀತಿ ಇದೆ ಎಂಬುದನ್ನು ಈ ಚಿತ್ರಗಳು ವಿವರಿಸುತ್ತವೆ.

gatimaan2

gatimaan3

gatimaan5

gatimaan7

Leave a Reply