ಒಂದು ಆಲಸೀ ರಜೆಯಲ್ಲಿ ನೀವು ಓದಿಕೊಳ್ಳಬಹುದಾದ ಕೊಹೆನ್ ಸಾಲುಗಳು…

ಮಾಯಾವಿ

ನಿನ್ನೆಗಳನ್ನು ನುಂಗಿಯೇ ಬೆಳೆದಿಹುದು ಭಾವಕೋಶ

ಇಲ್ಲಿಂದ ಹೊಸತನ್ನು ಹುಟ್ಟಿಸುವುದಾದರೂ ಹೇಗೆ?

—

ಎಲ್ಲದರಲ್ಲೂ ಕಂಡೇ ಕಾಣುತ್ತದೆ ಒಂದು ಬಿರುಕು

ಬೇಕಲ್ಲವೇ ಜಾಗ, ಬರಲೊಂದು ಬೆಳಕು…

—

ಕವಿತೆ ಎಂಬುದು ಬದುಕಿಗೊಂದು ಸಾಕ್ಷ್ಯ, ಬದುಕನ್ನು ಬಿಸಿಗೊಡ್ಡಿಕೊಂಡಿದ್ದೇ ಆದರೆ ಉಳಿಯುವ ಬೂದಿ ಕಾವ್ಯ..

—

ಈ ಸಿಗರೇಟಿಗೆ ಬೆಂಕಿ ಸೋಕಿಸಿದ್ದು ಯಾವಾಗ ನೆನಪಿಲ್ಲ. ನಾನಿಲ್ಲಿ ನನಗಾಗಿ ಬಂದೆನೋ, ಬೇರೆ ಯಾರಿಗೋ ಕಾಯುತ್ತಿರುವೆನೋ ನೆನಪಾಗುತ್ತಿಲ್ಲ.

—

ನೀನೇ ಸಮುದ್ರವಾಗದಿದ್ದರೆ, ಸಮುದ್ರ ನೋಡಿ ನೋಡಿ ಬೇಜಾರಾಗಿಬಿಡುತ್ತದೆ.

—

ಗುಟುಕು ವೈನು, ಮತ್ತೊಂದು ಧಮ್ ಸಿಗರೇಟು

ಹೊರಡಬೇಕಿದೆ ಈಗ ಎಲ್ಲ ಎತ್ತಿಟ್ಟು

ಟ್ರಾಫಿಕ್ ಜಾಮ್ಗಳು ಕರೆದಿವೆ ನನ್ನ

ಅಲ್ಲಿ ಕಾಯ್ದಿರಿಸಲಾಗಿದೆ ನನ್ನ ಸೀಟನ್ನ

—-

ಲಿಯೊನಾರ್ಡ್ ಕೊಹೆನ್ ಕೆನಡಾದ ಕವಿ, ಹಾಡುಗಾರ, ಸಂಗೀತಗಾರ, ಬರಹಗಾರ. ಈಗ 83ರ ಹರೆಯ. ನಮ್ಮನ್ನು ಪ್ರೇಮದ ಮೋಹಕ ಅಂತ್ಯಕ್ಕೆ ಕುಣಿಸಿಕೊಂಡುಹೋಗಬಲ್ಲ ಕಿಂದರಿಜೋಗಿ. ಈ ಹಾಡು ಕೊನೆಯಲ್ಲಿರಲಿ…