ಶಿವಣ್ಣನ ‘ಶ್ರೀಕಂಠ’ ಬಿಚ್ಚಿಡಲಿದೆಯಂತೆ ಸಿದ್ದರಾಮಯ್ಯ ಕಟ್ಕೊಂಡ ಗಿಫ್ಟ್ ವಾಚು, ಮಂತ್ರಿಗಳ ‘ನೀಲಿ ಲೀಲೆ’ ವಾಚೂ..!

 

ಡಿಜಿಟಲ್ ಕನ್ನಡ ಟೀಮ್:

ಹೊಸ ವರ್ಷದ ಜತೆ ಜನ ಹೊಸ ಲೆಕ್ಕಾಚಾರ ಹಾಕೋದು ಪ್ರತಿವರ್ಷದ ವಾಡಿಕೆ. ಅದು ಅನುಷ್ಠಾನಕ್ಕೆ ಬರುತ್ತೋ ಇಲ್ಲ ಕಳೆದು ಹೋಗೋ ಕಾಲದ ಜತೆ ಕರಗಿ ಮಾಯವಾಗುತ್ತೋ ಅದು ಬೇರೆ ಪ್ರಶ್ನೆ. ಆದರೂ ಆರಂಭದಲ್ಲಿ ಒಂದಷ್ಟು ಗುಣಾಕಾರ, ಭಾಗಾಕಾರ ಮಾತ್ರ ಇದ್ದದ್ದೇ.

ಹಿಂದಿನ ಕಹಿ ಘಟನೆಗಳನ್ನೆಲ್ಲ ಮನಸಿನಿಂದ ಗುಡಿಸಿ, ಬಿಸಾಕಿಬಿಡೋಣ ಅಂಥ ನಮ್ಮ ಮುಖ್ಯಮಂತ್ರಿ ಸಿದ್ದರಾಮಯ್ಯನವರು ಮತ್ತವರ ಸಂಪುಟ ಪಟಾಲಂ ಮಾಡ್ತಿರೋ ಕೂಡೋ ಲೆಕ್ಕಾನಾ ಕಳೆಯೋಕೆ ಸಜ್ಜಾಗಿ ನಿಂತಿದೆಯಂತೆ ಹೊಸ ವರ್ಷದ ಮೊದಲ ವಾರದಲ್ಲೇ ರಿಲೀಸ್ ಆಗುತ್ತಿರೋ ಹ್ಯಾಟ್ರಿಕ್ ಹೀರೋ ಶಿವರಾಜ್ ಕುಮಾರ್ ಅಭಿನಯದ ಸಿನಿಮಾ ‘ಶ್ರೀಕಂಠ’!

ಮಂತ್ರಿ ಸ್ಥಾನಕ್ಕೆ ರೊಯ್ಯಂತ ರಾಜೀನಾಮೆ ಬಿಸಾಕಿ ಬಿಜೆಪಿ ಸೇರಿರೋ ಶ್ರೀನಿವಾಸ ಪ್ರಸಾದ್ ‘ಬೈಎಲೆಕ್ಷನ್ನಿಗೆ ಬನ್ರಲಾ ನೋಡ್ಕೋತ್ತೀನಿ ಒಂದ್ ಕೈನಾ’ ಅಂತಾ ಸಾಕ್ಷಾತ್ ಶ್ರೀಕಂಠೇಶ್ವರ ನೆಲೆಸಿರೋ ನಂಜನಗೂಡು ವಿಧಾನಸಭಾ ಕ್ಷೇತ್ರದಲ್ಲೆಲ್ಲಾ ಅಡ್ಡಾಡುತ್ತಿರೋದ್ರಿಂದ ಮೊದಲೇ ಟೆನ್ಷನ್ ಆಗಿರೋ ಸಿದ್ದರಾಮಯ್ಯವರಿಗೆ ‘ಶ್ರೀಕಂಠ’ ಫಿಲಂನಿಂದ ಇದ್ಯಾವದಪ್ಪಾ ಹೊಸ ತಲೆನೋವು ಅಂದ್ರಾ..?!

ಏನಿಲ್ಲಾ.., ಹೋದ ವರ್ಷ ಸಿದ್ದರಾಮಯ್ಯನವರಿಗೆ ಡ್ರಮ್ ಗಟ್ಟಲೇ ಗಂಜೀನೀರು ಕುಡಿಸಿತ್ತಲ್ಲಾ.., ಅದೇ ದುಬೈನಲ್ಲಿ ಸೆಟ್ಲ್ ಆಗಿ, ಬೆಂಗಳೂರಿಗೆ ಬಂದು ಹೋಗಿ ಮಾಡೋ ತಮ್ಮ ಹಳೇ ಕ್ಲಾಸ್ ಮೇಟ್ ನಿಂದ ಕಾಸ್ಟಲೀ ಹ್ಯೂಬ್ಲೋ ವಾಚ್ ಗಿಫ್ಟ್ ತಗೊಂಡ ವಿವಾದ.. ಅದನ್ನ ‘ಶ್ರೀಕಂಠ’ ಸಿನಿಮಾದಲ್ಲಿ ಹಂಗಂಗೆ ಭಟ್ಟಿ ಇಳಿಸವ್ರಂತೆ. ನೋಡೋದಿಕ್ಕೆ ಥೇಟು ಮಾಜಿ ಪ್ರಧಾನಿ ದೇವೇಗೌಡರ ಥರಾ ಕಾಣೋ ಚನ್ನಪಟ್ಟಣದ ಕಾಡಯ್ಯ ಅವರನ್ನು ಸಿದ್ದರಾಮಯ್ಯನವರು ಯಾವಾಗಲೂ ಬೆನ್ನಿಗಿಟ್ಟುಕೊಂಡು ತಿರುಗುತ್ತಾರೆ. ಟೀವಿಗೀವಿಗಳಲ್ಲಿ ನೋಡೋ ಜನರಿಗೆ ದೇವೇಗೌಡರೇ ಸಿದ್ದರಾಮಯ್ಯನವರ ಬೆನ್ನಿಂದೆ ತಿರುಗುತ್ತವ್ರೆ ಅಂತಾ ‘ಅಣುಕು ಚಿತ್ರಣ’ ನೀಡೋ ಕಾಯಸ್ಸನ್ನು ಈ ಕಾಡಯ್ಯನವರ ತಿರುಗಾಟದ ಹಿಂದೆ ಕಾಯ್ದಿರಿಸಲಾಗಿದೆ. ಇದೇ ಸ್ಟೈಲಲ್ಲಿ ಡಿಟ್ಟೋ ಸಿದ್ದರಾಮಯ್ಯನವರ ಥರಾನೇ ಕಾಣೋ ಹನುಮಂತೇಗೌಡ ಅನ್ನೋ ವ್ಯಕ್ತೀನಾ ‘ಶ್ರೀಕಂಠ’ ಸಿನಿಮಾದಲ್ಲಿ ತಂದು ದುಬಾರಿ ವಾಚ್ ಗಿಫ್ಟ್ ಪ್ರಕರಣನಾ ಸೃಷ್ಟಿಸಲಾಗಿದೆಯಂತೆ.

ಅಷ್ಟೇ ಅಲ್ಲಾ… ಎಂ.ಎಸ್. ಮನುಗೌಡ ನಿರ್ಮಾಣದಲ್ಲಿ ಮಂಜು ಸ್ವರಾಜ್ ನಿರ್ದೇಶಿಸಿರೋ ಈ ಸಿನಿಮಾದಲ್ಲಿ ಇತ್ತೀಚೆಗೆ ಟಿಪ್ಪು ಜಯಂತಿ ಕಾರ್ಯಕ್ರಮದಲ್ಲಿ ವೇದಿಕೆ ಮೇಲೆ ಮೊಬೈಲ್ ನಲ್ಲಿ ನೀಲಿ ಚಿತ್ರ ನೋಡ್ಕಂಡಿ ಟೀವಿ ಚಾನೆಲ್ ಗಳ ಮೂಲಕ ಕೋಟ್ಯಂತರ ವೀಕ್ಷಕರ ಕಣ್ಣಿಗೆ ಸಿಕ್ಕಿಬಿದ್ದರೂ ಸಿದ್ದರಾಮಯ್ಯ ಕೃಪಾಕಟಾಕ್ಷದಿಂದ ಎಸ್ಕೇಪ್ ಆಗಿಹೋದ ಮಂತ್ರಿ ತನ್ವೀರ್ ಸೇಠ್ ಅವರ ‘ಸೆಕ್ಸ್ ಪ್ಯಾಕ್’ ಪ್ರಕರಣ ಡಿಫರೆಂಟ್ ಆಂಗಲ್ ನಲ್ಲಿ ಐತಂತೆ. ಒಂದು ಕಡೆ ತನ್ವೀರ್ ಸೇಠ್ ಪ್ರಕರಣ ಮರೆಯದಂತೆ ಮಾಡುತ್ತಾ ಅದೇ ಕಾಲಕ್ಕೆ ಮಾಜಿ ಮುಖ್ಯಮಂತ್ರಿ ಯಡಿಯೂರಪ್ಪ ಸಂಪುಟದ ಸಹೋದ್ಯೋಗಿ ತ್ರಿಮೂರ್ತಿಗಳಾದ ಸಿ.ಸಿ. ಪಾಟೀಲ್, ಲಕ್ಷ್ಮಣ್ ಸವದಿ ಹಾಗೂ ಕೃಷ್ಣ ಪಾಲೇಮಾರ್ ವಿಧಾನಸಭೆಯೊಳಗೇ ‘ನೀಲಿ ಲೀಲೆ’ ವೀಕ್ಷಿಸಿ, ಅದಕ್ಕೆ ಮಂತ್ರಿ ಪದವಿ ಸಮರ್ಪಿಸಿದ್ದನ್ನೂ ನೆನಪಿಸುತ್ತದಂತೆ.

ಹೀಗೆ ಅಲ್ಲಲ್ಲಿ ನಾನಾ ಚಮಕ್ ಗಳಿರೋ ‘ಶ್ರೀಕಂಠ’ ಅದ್ಯಾವ್ಯಾವ ಸರಕಾರಗಳ ಭ್ರಷ್ಟಾಚಾರ, ಅನಾಚಾರಗಳನ್ನು ಬಿಚ್ಚಿಡುತ್ತಾನೋ ನೋಡೋಣ.. ಆದರೆ ಒಂದ್ ಮಾತು. ಕೊನೇ ಕ್ಷಣದ ಬದಲಾವಣೆಗಳಿಗೆ ನಾವು ಜವಾಬ್ದಾರರಲ್ಲ!

BANGALORE, OCTOBER 02, 2013 : Karnataka Chief Minister Siddaramaiah is seen in a Walk the Talk shoot with the chief editor of Indian Express, Shekhar Gupta at the Vidhana Soudha, Bangalore, for NDTV. (PHOTO BY JYOTHY KARAT)

Leave a Reply