ರೆಸಾರ್ಟ್ ಗಲಾಟೆ ಪ್ರಕರಣಕ್ಕೆ ತಿರುವು? ಗಣೇಶ್ ಆಗ್ತಾರಾ ರಿಲೀಸ್?

ಡಿಜಿಟಲ್ ಕನ್ನಡ ಟೀಮ್:

ಬಳ್ಳಾರಿಯ ವಿಜಯನಗರ ಶಾಸಕ ಆನಂದ್​ ಸಿಂಗ್​ ಹಾಗೂ ಕಂಪ್ಲಿ ಶಾಸಕ ಗಣೇಶ್​ ಜನವರಿ 19 ರಾತ್ರಿ ಈಗಲ್ಟನ್ ರೆಸಾರ್ಟ್​ನಲ್ಲಿ ಬಡಿದಾಡಿಕೊಂಡಿದ್ದರು. ಆ ಬಳಿಕ ಆನಂದ್​ ಸಿಂಗ್​ ಆಸ್ಪತ್ರೆ ಸೇರಿದ್ದೂ ಆಯ್ತು.. ಒಂದು ತಿಂಗಳ ಬಳಿಕ ಗುಜರಾತ್​ನ ಸೋಮನಾಥದಲ್ಲಿ ಕಂಪ್ಲಿ ಗಣೇಶ್​ ಬಂಧನ ಆಗಿದ್ದೂ ಆಯ್ತು. ಅರೆಸ್ಟ್​ ಆಗಿ 14 ದಿನಗಳ ಕಾಲ ನ್ಯಾಯಾಂಗ ಬಂಧನಕ್ಕೆ ಹೋಗಿದ್ದ ಶಾಸಕ ಕಂಪ್ಲಿ ಗಣೇಶ್​, ಜಾಮೀನು ಅರ್ಜಿ ಸಲ್ಲಿಸದೆ ಜೈಲಿನಲ್ಲೇ ವಾಸವಾಗಿದ್ದ ಕಂಪ್ಲಿ ಗಣೇಶ್​ ಶನಿವಾರ ಜಾಮೀನು ಪಡೆಯಲು ಜನಪ್ರತಿನಿಧಿಗಳ ಕೋರ್ಟ್​ಗೆ ಅರ್ಜಿ ಸಲ್ಲಿಸಿದ್ದಾರೆ. ಅದರ ಬೆನ್ನಲ್ಲೇ ಒಂದೈದು ಸೆಕೆಂಡ್​ರ ವಿಡಿಯೋ ರಿಲೀಸ್​ ಮಾಡಿದ್ದಾರೆ. ಆ ವಿಡಿಯೋ ನೋಡಿದ್ರೆ ಆನಂದ್​ ಸಿಂಗ್​ ಅರೆಸ್ಟ್​ ಆಗ್ತಾರಾ ಅನ್ನೋ ಅನುಮಾನ ಮೂಡುವಂತೆ ಮಾಡಿದೆ.

ಜಾಮೀನು ಅರ್ಜಿ ಸಲ್ಲಿಸಿರುವ ಶಾಸಕ ಕಂಪ್ಲಿ ಗಣೇಶ್​ ಕೋರ್ಟ್​ ವಿಡಿಯೋ ಸಾಕ್ಷಿಯನ್ನು ಸಲ್ಲಿಕೆ ಮಾಡಿದ್ದಾರೆ. ನಾನು ತಪ್ಪು ಮಾಡಿಲ್ಲ, ಹಲ್ಲೆ ಮಾಡಿದ್ದು ಶಾಸಕ ಆನಂದ್​ ಸಿಂಗ್​ ಅವರೇ ಎಂದು ಸಾಬೀತು ಮಾಡಬಹುದಾದ ವಿಡಿಯೋ ಸಾಕ್ಷಿ ಕೂಡ ಸಲ್ಲಿಕೆ ಮಾಡಿದ್ದಾರೆ ಎನ್ನಲಾಗಿದೆ. ಐದು ಸೆಕೆಂಡ್​ ವಿಡಿಯೋ ಮಾಧ್ಯಮಗಳಿಗೂ ಬಿಡುಗಡೆ ಆಗಿದ್ದು, ಅದರಲ್ಲಿ ಶಾಸಕ ಆನಂದ್​ ಸಿಂಗ್​ ಅವರೇ ಗಣೇಶ್​ ಅವರ ಕುತ್ತಿಗೆ ಪಟ್ಟಿ ಹಿಡಿದಿದ್ದು, ಶಾಸಕ ಗಣೇಶ್​ ಅಣ್ಣ ಇದು ಸರಿಯಲ್ಲ, ಅಣ್ಣ ಸರಿಯಲ್ಲ ಎಂದಿದ್ದಾರೆ. ಆದ್ರೆ ಆನಂದ್​ ಸಿಂಗ್​ ಅವಳನ್ನು ನೀನು ನೋಡಿದ್ಯಾ ಎಂದು ಆಕ್ರೋಶಿತವಾಗಿ ಪ್ರಶ್ನಿಸಿದ್ದಾರೆ. ಗಣೇಶ್​ ಮಾತ್ರ ಅಣ್ಣ ಅಣ್ಣ ಎಂದೇ ಸಂಬೋಧಿಸಿದ್ದು, ಹಲ್ಲೆ ಮಾಡಿರುವುದಕ್ಕೆ ಯಾವುದೇ ಸಾಕ್ಷಿ ಕಾಣ್ತಿಲ್ಲ. ಈ ವಿಡಿಯೋವನ್ನು ಕೋರ್ಟ್​ ಒಪ್ಪಿದ್ರೆ ಕಂಪ್ಲಿ ಗಣೇಶ್​ ಜೈಲಿನಿಂದ ಹೊರಬರಲಿದ್ದಾರೆ. ಆದ್ರೆ ಆನಂದ್​ ಸಿಂಗ್​ ಆಸ್ಪತ್ರೆಯಿಂದ ಬಿಡುಗಡೆಯಾಗಿದ್ದು, ಜೈಲು ಪಾಲಾಗ್ತಾರಾ ಅನ್ನೋ ಅನುಮಾನ ಹುಟ್ಟು ಹಾಕಿದೆ.

ಕಂಪ್ಲಿ ಶಾಸಕ ಗಣೇಶ್​ ಪರಿಶಿಷ್ಟ ಪಂಗಡಕ್ಕೆ ಸೇರಿದವರಾಗಿದ್ದು ಆನಂದ್​ ಸಿಂಗ್​ ನನ್ನ ಜಾತಿಯನ್ನು ಹಿಯ್ಯಾಳಿಸಿದ್ದಾರೆ, ಆ ವೇಳೆ ಸಣ್ಣ ಗಲಾಟೆ ನಡೀತು ಎಂದು ಮಾಧ್ಯಮಗಳ ಎದುರು ಹೇಳಿಕೊಂಡಿದ್ರು. ಇದೀಗ 5 ಸೆಕೆಂಡ್​ ವಿಡಿಯೋ ರಿಲೀಸ್​ ಆಗಿದ್ದು, ಅದರಲ್ಲಿ ಆನಂದ್​ ಸಿಂಗ್​ ಅವರೇ ಹಲ್ಲೆ ಮಾಡುವ ರೀತಿ ಇದೆ. ಆನಂದ್​ ಸಿಂಗ್​ ಅವರ ಮೇಲೆ ಕಂಪ್ಲಿ ಗಣೇಶ್​ ಕೌಂಟರ್​ ಕೇಸ್​ ಹಾಕಿದ್ರೆ, ಆನಂದ್​ ಸಿಂಗ್​ ಅವರೇ ಜೈಲುಪಾಲಾಗುವ ಸಾಧ್ಯತೆ ಇದೆ. ಆದ್ರೆ ಜಾತಿ ನಿಂದನೆ ಮಾಡಿದ್ದಾರೆ ಎನ್ನುವುದಕ್ಕೆ ಸಾಕ್ಷಿ ಹೇಳಲು ಯಾರಾದರೂ ಸಿದ್ಧರಿದ್ದರೆ ಆನಂದ್​ ಸಿಂಗ್​ ಅವರ ಕೊರಳಿಗೆ ಸಂಕಷ್ಟ ಸುತ್ತಿಕೊಳ್ಳುವುದು ಮಾತ್ರ ಸತ್ಯ.. ಈಗಾಗಲೇ ಸಂಧಾನಕ್ಕೆ ಸಾಕಷ್ಟು ಯತ್ನ ನಡೆಸಿದ್ದು, ಸಂಧಾನ ವಿಫಲವಾಗಿದೆ. ಒಂದು ವೇಳೆ ಕೋರ್ಟ್​ನಲ್ಲಿ ಜಾತಿ ನಿಂದನೆ ಕೇಸ್​ ದಾಖಲಾಗಿ, ಸೂಕ್ತ ಸಾಕ್ಷಿಯೂ ಕೋರ್ಟ್​ಗೆ ಸಿಕ್ಕಿದ್ರೆ ಆನಂದ್​ ಸಿಂಗ್​ ಜೈಲುಪಾಲಾಗಲಿದ್ದಾರೆ ಎನ್ನುತ್ತಿವೆ ಕೋರ್ಟ್​ ಮೂಲಗಳು.

ಒಟ್ಟಾರೆ ಕಾಂಗ್ರೆಸ್​ ಶಾಸಕರ ಕಿತ್ತಾಟ ಲೋಕಸಭಾ ಚುನಾವಣೆ ವೇಳೆ ಮುಜುಗರ ಮಾಡ್ತಿದೆ. ಯಾರು ಅರೆಸ್ಟ್​ ಆಗ್ತಾರೆ..? ಯಾರು ರಿಲೀಸ್​ ಆಗ್ತಾರೆ ಅನ್ನೋದಕ್ಕೆ ಶೀಘ್ರದಲ್ಲೇ ಉತ್ತರವೂ ಸಿಗಲಿದೆ.

Leave a Reply