ಗೋಮಾಂಸ ನಿಷೇಧ ಹೇರಿದರೂ ಗೋಹತ್ಯೆಗೆ ಬ್ರೇಕ್ ಹಾಕಲು ಆಗಿಲ್ಲ!

ಡಿಜಿಟಲ್ ಕನ್ನಡ ಟೀಮ್:

ಗೋಮಾಂಸ ರಫ್ತಿನಲ್ಲಿ ಭಾರತ ಎರಡನೇ ಸ್ಥಾನದಲ್ಲಿದೆ. ಇದರೊಂದಿಗೆ ಗೋಮಾಂಸ ಸೇವನೆ ನಿಷೇಧ ಹೇರಿರುವ ಕೇಂದ್ರ ಸರ್ಕಾರ ಹಿಂದೂಗಳ ಮನ ಗೆಲ್ಲುವ ಪ್ರಯತ್ನ ಮಾಡಿದೆಯಾದರೂ ಗೋ ಹತ್ಯೆಗೆ ಸಂಪೂರ್ಣ ಬ್ರೇಕ್ ಹಾಕಲು ಸಾಧ್ಯವಾಗಿಲ್ಲ ಎಂಬುದು ಸ್ಪಷ್ಟವಾಗಿದೆ.

2017-19ರ ಅವಧಿಯಲ್ಲಿ ಗೋಮಾಂಸ ರಫ್ತಿನಲ್ಲಿ ಬ್ರೆಜಿಲ್​ ಮೊದಲ ಸ್ಥಾನ ಪಡೆದುಕೊಂಡರೆ, ಭಾರತಕ್ಕೆ ಎರಡನೇ ಹಾಗೂ ಆಸ್ಟ್ರೇಲಿಯಾ ಮೂರನೇ ಸ್ಥಾನದಲ್ಲಿದೆ.

ಅಮೆರಿಕದ ಕೃಷಿ ಇಲಾಖೆ ಬಿಡುಗಡೆ ಮಾಡಿರುವ ವರದಿ ಪ್ರಕಾರ 2017ರಲ್ಲಿ18 ಲಕ್ಷ ಮೆಟ್ರಿಕ್​ ಟನ್, 2018ರಲ್ಲಿ 19 ಮೆಟ್ರಿಕ್​ ಲಕ್ಷ ಟನ್​​ ಗೋಮಾಂಸವನ್ನುಭಾರತ ರಫ್ತು ಮಾಡಿದೆ. 2019ರಲ್ಲಿ ಇದು 16 ಲಕ್ಷ ಮೆಟ್ರಿಕ್​ ಟನ್​ಗೆ ಇಳಿಕೆ ಆಗಿದೆ. ಬ್ರೆಜಿಲ್​ 2017ರಲ್ಲಿ 19 ಮೆಟ್ರಿಕ್​ ಟನ್​ ದನದ ಮಾಂಸ ರಫ್ತು ಮಾಡಿದ್ದರೆ, 2019ರಲ್ಲಿ ಈ ಪ್ರಮಾಣ 22 ಲಕ್ಷ ಮೆಟ್ರಿಕ್ ಟನ್​ಗೆ ಏರಿಕೆ ಆಗಿದೆ.

Leave a Reply